Fushat e Specializimit

Në operacionet e zemrës dhe të enëve të mëdha të gjakut mund të arrijmë tashmë të njëjtin sukses kirurgjikal, pa e hapur plotësisht kockën e gjoksit, me prerje të vogla ose me metoda të mbyllura. Nga bypass-i koronar deri te kirurgjia e valvulave të zemrës dhe e aortës, deri te sëmundjet e lindura të zemrës, ofrojmë zgjidhje minimale invazive në një gamë të gjerë.

• Operacionet Minimale Invazive dhe Endoskopike të Bypass-it të Arterieve Koronare
• Operacionet Minimale Invazive dhe Endoskopike të Valvulave të Zemrës
• Operacionet Minimale Invazive dhe Endoskopike të Aortës dhe të Enëve të Tjera të Gjakut
• Operacionet Minimale Invazive dhe Endoskopike të Sëmundjeve Strukturore – të Lindura të Zemrës

Aorta është ena kryesore arteriale, që del nga zemra dhe që mban gjakun e pastër në të gjitha organet e trupit. Zgjerimi i aortës (aneurizma) krijon rrezik çarjeje, ndërsa ngushtimet dhe bllokimet mund ta kufizojnë rrjedhën e gjakut drejt organeve; këto sëmundje i trajtojmë, si me metoda kirurgjikale, ashtu edhe me metoda angiografike.

• Trajtimet e Aneurizmës dhe të Diseksionit të Aortës
• Trajtimet e Ngushtimeve dhe të Bllokimeve të Aortës
• Trajtimet Komplekse Angiografike të Aortës (EVAR-TEVAR-PMEG)

Ngushtimet dhe bllokimet, që zhvillohen në arteriet jashtë zemrës, nga qafa deri te këmbët dhe organet e brendshme, mund të çojnë në probleme të ndryshme, nga insulti deri te dhimbja e këmbës. Këto enë gjaku i trajtojmë me teknika minimale invazive dhe angiografike, pa pasur nevojë për kirurgji të hapur.

• Trajtimet e Sëmundjeve të Karotidës dhe të Arterieve Vertebrale
• Trajtimet e Arterieve të Gjymtyrëve
• Trajtimet e Arterieve të Organeve të Brendshme
• Trajtimet e Sindromave të Ngushtimit Arterial

Insufiçienca venoze në këmbë mund të na dalë përballë në një gamë të gjerë, nga një problem thjesht kosmetik deri te tromboza e venave të thella. Trajtojmë të gjitha problemet venoze funksionale dhe estetike, nga trajtimi me lazer pa operacion deri te zgjidhjet estetike të variçeve.

• Trajtimi i Variçeve pa Operacion – Total EVLA
• Trajtimi Estetik i Variçeve – CLaCS
• Trajtimet e Variçeve të Organeve të Brendshme
• Trajtimet Hibride të Sindromave të Ngushtimit Venoz
• Trajtimi i Trombozës së Venave të Thella
• Trajtimet e Embolisë Pulmonare

Te pacientët tanë, që bëjnë dializë ose që ndjekin trajtime afatgjata, një rrugë e sigurt dhe e qëndrueshme enësh gjaku ka rëndësi jetësore për vazhdimësinë e trajtimit. Ne i planifikojmë dhe i zbatojmë nevojat për hyrje në enët e mëdha të gjakut, nga fistula e dializës deri te porta e kimioterapisë.

• Procedurat e Fistulës së Dializës
• Procedurat e Kateterit të Dializës
• Sigsja e Hyrjes në Enët e Mëdha të Gjakut për Trajtime Speciale

Plagët kronike, që zhvillohen sidomos për shkak të çrregullimit të qarkullimit të gjakut, si këmba diabetike, mund të shërohen në masë të madhe me një qasje të saktë dhe të plotë. Këta pacientë tanë i vlerësojmë dhe i trajtojmë me një kuptim ekipi shumëplanësh.

• Trajtimi i Plotë i Këmbës Diabetike
• Trajtimet e Plagëve Kronike nga Sëmundjet e Rralla Vaskulare

Limfedema dhe lipedema janë gjendje kronike, që shpesh mbeten pa u vënë re dhe që shkaktojnë ënjtje dhe çformim të këmbëve. Me diagnozë të saktë dhe me një qasje trajtimi të plotë, e rrisim në masë të ndjeshme cilësinë e jetës së pacientëve tanë.

• Qasje e Plotë ndaj Diagnozës dhe Trajtimit të Lipedemës
• Qasje e Plotë ndaj Diagnozës dhe Trajtimit të Limfedemës

Në shëndetin e zemrës dhe të enëve të gjakut, trajtimi më efektiv është parandalimi i sëmundjes, përpara se ajo të formohet, ose kapja e saj e hershme. E çmojmë informimin e pacientëve tanë dhe të të afërmve të tyre, nga programet e skriningut dhe të ndjekjes deri te udhëzimi për jetën pas operacionit.

• Programet e Skriningut dhe të Ndjekjes për Sëmundjet e Rëndësishme
• Edukime për Pacientët dhe të Afërmit në Sëmundjet Kronike dhe Gjenetike
• Jeta pas Operacionit dhe Procedurës: Çfarë Duhet Të Kihet Parasysh